{"id":409,"date":"2022-02-02T14:38:31","date_gmt":"2022-02-02T13:38:31","guid":{"rendered":"https:\/\/www.brezhonegbrovear.bzh\/blog\/?p=409"},"modified":"2022-04-12T10:32:24","modified_gmt":"2022-04-12T08:32:24","slug":"hanoiou-lechiou-breiz-izel-hlbi","status":"publish","type":"post","link":"https:\/\/www.brezhonegbrovear.bzh\/blog\/2022\/02\/02\/hanoiou-lechiou-breiz-izel-hlbi\/","title":{"rendered":"Hanoiou-lec\u2019hiou Breiz Izel (HLBI)"},"content":{"rendered":"\n

Kazi bloaz zo on krog da labourat evit ur pikol raktres la\u00f1set en 2015, \u00ab Hanoiou-lec\u2019hiou Breiz Izel<\/a> \u00bb (HLBI). Daou emaint e penn ar jeu, Loig Cheveau, arbennig war brezhoneg Bro-Wened, ha dreist-holl ar yezhour Iwan Wmffre. Ar pezh a fell dezhe eo renabli\u00f1 holl anvio\u00f9-lec\u2019hio\u00f9 Breizh Izel ha dastum o distagadur(-io\u00f9) ha kement tra zo moaien da c\u2019ho\u00fbt diwar o fenn :<\/p>\n\n\n\n

Le Hanoiou-lec\u2019hiou Breiz Izel<\/em> (HLBI), ou \u2018L\u2019Enqu\u00eate des noms de lieux bas-bretons\u2019, est un projet ambitieux qui a pour objectif de publier 39 tomes contenant les formes indig\u00e8nes locales ainsi que les traditions et les connaissances concernant environ 60,000 et plus de noms de lieux de la Basse-Bretagne, accompagn\u00e9es des formes cartographiques et historiques de ces noms.<\/p><\/blockquote>\n\n\n\n

\"\"<\/figure><\/div>\n\n\n\n\n\n\n\n

Ava\u00f1set-mat eo an dastum \u2018ba broio\u00f9 zo (anvio\u00f9-lec\u2019hio\u00f9 Bro-Leon zo bet peurserret gant Mikael Madeg, reo\u00f9 Bro-Wened gant Loig Cheveau, reo\u00f9 Kernev-Uhel gant Humphrey Lloyd Humphreys) ha \u2018ba parrouzio\u00f9 oc\u2019h-unan a-hend-all. \u2018Ba takado\u00f9 zo n\u2019eo ket bet graet al labour \u2018vat, evel \u2018ba Bro-Dreger. Se zo kaoz ac\u2019hanta e oa bet goullet ganin daou vloaz zo brema\u00f1 gant Iwan Wmffre hag-e\u00f1 e vijen kontant da bleal gant anvio\u00f9-lec\u2019hio\u00f9 Bear hag ar parrouzio\u00f9 war-dro. Respontet \u2018ma ya dre an avani \u2018ma komprenet kenkent an ezhomm bras a oa d\u2019ober al labour-se prim, ha surtoud on intereset gant ar jeu-se un tamm zo (anvio\u00f9-lec\u2019hio\u00f9 Bear \u2018ma bet serret c\u2019hoazh hag embannet war lec\u2019hienn Brezhoneg Bro-Vear).<\/p>\n\n\n\n

Sell aze penaos on en em gavet gant holl barroujo\u00f9 kanton Bear da redek, ha pelloc\u2019h memes (36 parrouz etretout !). Ha dre ma n\u2019on ket displijet-kaer gant al labour-se on bet betek Plagad nevez zo, war bevenn ar brezhonegva. Honnezh ne oa ket war ma listenn, met ingal zo ! Klevet \u2018ma komz deus ur vrezhonegerez gozh (gras da Ja\u00f1 Roualeg-Kere, paotr an NALBB2), ha setu \u2018meus gallet mont d\u2019enrolla\u00f1 anezhi o tistaga\u00f1 (ul lodenn vat deus) anvio\u00f9-lec\u2019hio\u00f9 Plagad. Un dra gaer eo pa so\u00f1jer eo kontet Plagad evel ur barrouz divrezhoneg abaoe fin an XIXvet kantved (linenn J. Loth).<\/p>\n\n\n\n

En un ober ur bloavezh on bet degemeret \u2018ba un 60 ti bennaket. Ouzhpenn 80 brezhoneger \u2018deuint titouret ac\u2019hanon evel-se. 26 parrouz zo kazi achu (da l\u00e2ret eo eo bet dastumet stumm komzet al lodenn vrasa\u00f1 deus an anvio\u00f9-lec\u2019hio\u00f9 eno) : Louergad, Benac\u2019h, Pl\u00fbned, Tregrom, Kaouenneg, Kawan, Kemperven, Lanvezeag, Tonkedeg, Bear, Berc\u2019hed, Beurleudi, Gras, Kervorc\u2019h, Koadaskorn, Langoad, Lannbaeron, Mantallod, Mousteruz, Pederneg, Ploueg, Plouizi, Prad, Sant Laora\u00f1s, Ski\u00f1vieg, Tregla\u00f1viz. \u2018Ba ar re-seouig e chom un toulladig anv da dastum c\u2019hoazh ha gwiria\u00f1 un toullad reo\u00f9 all. \u2018Ba 2 barrouz all \u2018meus ket graet nemet boulc\u2019ha\u00f1 al labour (Pleuzal ha Peurid). Hag 8 parrouz n\u2019on ket bet en enne c\u2019hoazh (Trogirri, Tregonnev, Runan, ar Roc\u2019h, Pouldouran, Hengoad, Rospez, Gurunuhel). E-se e chom kalz a labour din d\u2019ober, a-raok marteze mont pelloc\u2019h c\u2019hoazh, ma vez ezhomm (ha sur a-walc\u2019h e vo ezhomm).<\/p>\n\n\n\n

\"\"
Parrouzio\u00f9 embannet war Brezhoneg Bro-Vear<\/figcaption><\/figure><\/div>\n\n\n\n

War lec\u2019hienn Brezhoneg Bro-Vear e c\u2019hall an nen selaou anvio\u00f9-lec\u2019hio\u00f9 24 parrouz dija : reo\u00f9 Bear<\/a> ha 23 parrouz all war-dro<\/a>. Ar reo\u00f9 all a deuio war-lerc\u2019h, tamm bihan ha tamm bihan. Distribilh zo un tamm \u2018ba istemo\u00f9 ar parrouzio\u00f9 dre an avani n\u2019eo ket bet urzhiet an anvio\u00f9-lec\u2019hio\u00f9 dre urzh al lizherenneg. Kalz a amzer a gemerfe din hag a-wecho\u00f9 e vefe un tamm diaes zo kaeroc\u2019h (meur a anv-lec\u2019h zo meneget e frazenno\u00f9 zo). Feiz, pe e glasko an nen un anv-lec\u2019h resis dre ar bouton \u00ab klask<\/a> \u00bb, pe e lenno ar frazenno\u00f9 \u2018ba pep istem an eil war-lerc\u2019h eben… Evel e karo e rey !<\/p>\n\n\n\n

Evit ar pezh a sell deus skritur an anvio\u00f9-lec\u2019h e terc\u2019han gant ar reol a implijan abaoe ar c\u2019homansamant. En treuskrivadurio\u00f9 brezhonek e vo geuilhet pri\u00f1sipo\u00f9 ar skritur peurunvan (e levrio\u00f9 an HLBI e vo ur skritur \u00ab mimetik<\/a> \u00bb avat, evit diskwel perzhio\u00f9 dibar ar rannyezho\u00f9). Em zroidigezhio\u00f9 gallek e kavo an nen ar memes stumm rik, da l\u00e2ret eo an anv-lec\u2019h skrivet en e stumm brezhonek, \u00ab reizh \u00bb pe \u00ab reizh a-walc\u2019h \u00bb sa\u00f1set, ha n\u2019eo ket en e stumm ofisiel, ar pezh a dalvez gallekaet ha neuze distreset peurvuia\u00f1. Gwir eo kement-se evit an anvio\u00f9-lec\u2019h bihan, met ken gwir all eo evit anvio\u00f9 ar parrouzio\u00f9 : ne glaskit ket \u00ab Belle Isle en-Terre \u00bb war al lec\u2019hienn, na pa vez dre ar galleg, ne gavfet ket mann ebet. Divyezhegezh an anvio\u00f9-lec\u2019h zo garz, ha maluruzamant ec\u2019h a war-raok war pa\u00f1kardenno\u00f9 ar vro… <\/p>\n\n\n\n

\"\"
Divyezhegezh garz en Plouizi…<\/figcaption><\/figure><\/div>\n\n\n\n

En e studiadenno\u00f9 e tegas da so\u00f1j Ofis Publik ar Brezhoneg penaos e renkfer   <\/p>\n\n\n\n

\u00ab prend[re] en compte les recommandations du groupe d’experts des Nations Unies sur les noms g\u00e9ographiques (GENUNG) pour la normalisation de l’\u00e9criture des noms de lieux. Notamment les deux principales, une forme unique pour chaque nom, et respect de la langue de cr\u00e9ation du toponyme transcrit selon l’orthographe de cette langue. \u00bb<\/p><\/blockquote>\n\n\n\n

Labour e-leizh \u2018mez han-se. Kazi un abuzetez eo, met kement a blijadur \u2018mez war ar memes tro ! Beza\u00f1 degemeret (mat-kaer peurvuia\u00f1 !) \u2018ba kement a dier hag a familho\u00f9, ober anaoudegezh gant brezhonegerien gozh a-bep-sort a \u2018deus desket brezhoneg war barlenn o mamm, klevet digante ha santout ar blijadur da gomz deus o farrouz ha deus o buhez bet, beza\u00f1 pedet da adretorn pa garan, tout se \u2018ba o yezh kenta\u00f1 a zo chomet yezh ho kalon… Un dra gaer eo da veva\u00f1, sur ha n\u2019eo ket marteze, ha \u2018meus ket tamm keuz ebet da veza\u00f1 staget ganti. Kaeroc\u2019h zo, alia\u00f1 a ran nep a gar da staga\u00f1 ganti d\u2019e dro, ezhomm zo tud c\u2019hoazh evit kas da benn raktres an HLBI !<\/p>\n","protected":false},"excerpt":{"rendered":"

Kazi bloaz zo on krog da labourat evit ur pikol raktres la\u00f1set en 2015, \u00ab Hanoiou-lec\u2019hiou Breiz Izel \u00bb (HLBI). Daou emaint e penn ar jeu, Loig Cheveau, arbennig war brezhoneg Bro-Wened, ha dreist-holl ar yezhour Iwan Wmffre. Ar pezh a fell dezhe eo renabli\u00f1 holl anvio\u00f9-lec\u2019hio\u00f9 Breizh Izel ha dastum o distagadur(-io\u00f9) ha kement tra zo moaien da c\u2019ho\u00fbt diwar o fenn : Le Hanoiou-lec\u2019hiou Breiz Izel (HLBI), ou \u2018L\u2019Enqu\u00eate des noms de lieux bas-bretons\u2019, est un projet ambitieux qui a pour…<\/p>\n

Lire la suite Lire la suite<\/span><\/a><\/p>\n","protected":false},"author":2,"featured_media":0,"comment_status":"open","ping_status":"closed","sticky":false,"template":"","format":"standard","meta":{"footnotes":""},"categories":[2],"tags":[84,83],"class_list":["post-409","post","type-post","status-publish","format-standard","hentry","category-kelou","tag-anviou-lech","tag-hlbi"],"_links":{"self":[{"href":"https:\/\/www.brezhonegbrovear.bzh\/blog\/wp-json\/wp\/v2\/posts\/409","targetHints":{"allow":["GET"]}}],"collection":[{"href":"https:\/\/www.brezhonegbrovear.bzh\/blog\/wp-json\/wp\/v2\/posts"}],"about":[{"href":"https:\/\/www.brezhonegbrovear.bzh\/blog\/wp-json\/wp\/v2\/types\/post"}],"author":[{"embeddable":true,"href":"https:\/\/www.brezhonegbrovear.bzh\/blog\/wp-json\/wp\/v2\/users\/2"}],"replies":[{"embeddable":true,"href":"https:\/\/www.brezhonegbrovear.bzh\/blog\/wp-json\/wp\/v2\/comments?post=409"}],"version-history":[{"count":5,"href":"https:\/\/www.brezhonegbrovear.bzh\/blog\/wp-json\/wp\/v2\/posts\/409\/revisions"}],"predecessor-version":[{"id":419,"href":"https:\/\/www.brezhonegbrovear.bzh\/blog\/wp-json\/wp\/v2\/posts\/409\/revisions\/419"}],"wp:attachment":[{"href":"https:\/\/www.brezhonegbrovear.bzh\/blog\/wp-json\/wp\/v2\/media?parent=409"}],"wp:term":[{"taxonomy":"category","embeddable":true,"href":"https:\/\/www.brezhonegbrovear.bzh\/blog\/wp-json\/wp\/v2\/categories?post=409"},{"taxonomy":"post_tag","embeddable":true,"href":"https:\/\/www.brezhonegbrovear.bzh\/blog\/wp-json\/wp\/v2\/tags?post=409"}],"curies":[{"name":"wp","href":"https:\/\/api.w.org\/{rel}","templated":true}]}}