Page 1 sur 1

Ar plac'h 'neus / 'deus

Publié : 24 octobre 2016, 12:41
par Tangi
Goude ma vez kavet skwerioù kontrol e c'haller mont a-du gant ar reolenn-se :

Stummioù a verb kaout o deus merkoù war-lerc'h ar raganvioù, nemet war-lerc'h an trivet stumm unan ha liester :

me 'meus...
te 'teus...
eñ 'neus
hi 'neus (ha n'eo ket 'deus)
ni 'meump
c'hwi 'peus
i/int 'neus (ha n'eo ket ar stummioù 'deus, 'deuint, 'neuint).

Evit an amzer a-vremañ eo gwir kement hag evit an amzerioù all.

Goût a rit pelec'h e vez komzet deus se el levrioù ?

Re: Ar plac'h 'neus / 'deus

Publié : 12 décembre 2016, 21:01
par Tangi
Kontadennoù ar bobl 3, Fañch An Uhel, p217 :
"en deveus" : "hen eveuz" (Skrid Orin). E Treger e reer a-wechoù gant an trede gour unan "en deus, en deveus" goude ma vefe ur gour all. Amañ "Te en deveus graet an taol" = "Te ac'h eus graet an taol".

Re: Ar plac'h 'neus / 'deus

Publié : 13 décembre 2016, 23:29
par Yann
Tangi a écrit :Kontadennoù ar bobl 3, Fañch An Uhel, p217 :
"en deveus" : "hen eveuz" (Skrid Orin). E Treger e reer a-wechoù gant an trede gour unan "en deus, en deveus" goude ma vefe ur gour all. Amañ "Te en deveus graet an taol" = "Te ac'h eus graet an taol".
Ya, klevet ma memestra gt Jean-Yves Plourin ba skol-veur Brest pell zo, met oa ket evit Bro-Dreger hepken. Me gav neus studiet kreiz-Breizh kentoc'h, ma n'eo kreisteiz Bro-Gerne.

Re: Ar plac'h 'neus / 'deus

Publié : 18 décembre 2016, 10:40
par Tangi
Lennet 'meus se tu bennaket ivez, dindan e bluenn. E "tammoù gwaskin" pe "initiation au breton familier" ?

Re: Ar plac'h 'neus / 'deus

Publié : 10 mars 2017, 11:47
par Tangi
Tammoù gwaskin, p38-40.

A-hend-all e vez komzet deus ar poent-se gant Melanie jouitteau 'bah ar pennad "kaout" : http://arbres.iker.cnrs.fr/index.php?ti ... onjugaison.