Brezhoneg Bro-Vear

Klask

« varrikenn »

Frazennoù kavet : 29

Pajennoù : 1 2

🔗 1. ben, se a depand petore... 2. ya, dous ha mat d'evañ ! 1. ya... 2. ha pa oa darev ! darev e oa, ur varrikenn a oa aze da vont da gerc'hat hag e oa deut gantañ, tri-ugent litrad, poiré

[...]

1. ben, ça dépend quelle [quantité]... 2. oui, c'est doux et bon à boire ! 1. oui... 2. et quand il était mûr ! il était mûr, il y avait une barrique là à aller chercher et il l'avait rapportée, soixante litres, de poiré

Frazenn dastumet e-maez Bro-Vear
Gant :
– Mari-Kler ar Brouder (ar Veilh), ganet e 1942 e Ploubêr, o chom e Brelevenez, tud bet ganet e Ploubêr / Trogeri.
– Jobig ar Veilh, ganet e 1932 e Brelevenez, o chom e Brelevenez, tud bet ganet e Sant-Laorañs / Bear.

Dastumer : Tangi (2025-04-29)
🔗 ya, chistr kalet 'dije ! du-mañ 'oa ket chistr kalet a-walc'h dezhi, ma vreur a oa aet... da gerc'hat ur voutailhad chistr... arri... 'oa ket darev ba... ba ar c'hav, ur varrikenn hag a oa komañset da dennañ, ha 'na soñjet « me 'h a da lakat ur bannac'h gwinegr dezhi e-barzh », ma vreur 'na laket eu... ur bannac'h gwinegr dezhi da greñvaat... da greñvaat e chistr, evet 'da anezhañ ! tout !

[...]

oui, elle avait [buvait] du cidre dur ! chez moi il n'y avait pas de cidre assez dur pour elle, mon frère était allé... chercher une bouteille de cidre... arrivé... qui n'était pas mûr dans... dans la cave, une barrique qu'il avait commencé à tirer, et il avait pensé « moi je vais lui mettre un peu de vinaigre dedans », mon frère lui avait mis euh... un peu de vinaigre pour que... pour son cidre soit plus fort, elle l'avait bu ! tout !

Gant : Jobig ar Veilh, ganet e 1932 e Brelevenez, o chom e Brelevenez, tud bet ganet e Sant-Laorañs / Bear.

Dastumer : Tangi (2025-04-29)
🔗 Ha me o welet... ar skolaer a oa bet ba e... toull ar c'hav bah... bah... e-kichen eu... ar préau just. Hag e welen ar gon... e... e welen e gontell war ar varrikenn. « Me a lako ar c'hog ar varrikenn ». Ha me a oa o surveilh, e-pad ar rekreasion, ar reoù all a oa o c'hoari al las 'te. « Moarvat emañ ba an nor, bremañ-souden... ar skolaer zo aet d'e di. Me zo o vont da dapet ar gontell kar xxx ( ?) ».

[...]

Et moi de voir... le maître avait été dans... l'entrée de la cave dans... dans... juste à côté euh... du préau. Et je voyais le cou... son... je voyais son couteau sur la barrique. « Moi je mettrai le robinet sur la barrique ». Et moi de le surveiller, pendant la récréation, les autres étaient en train de s'amuser pardi. « Sant qu'elle est dans la porte [la clé], tout à l'heure... le maître est allé à sa maison. Moi je vais prendre le couteau car xxx ( ?) ».

Gant : Jobig ar Veilh, ganet e 1932 e Brelevenez, o chom e Brelevenez, tud bet ganet e Sant-Laorañs / Bear.

Dastumer : Tangi (2025-04-29)
🔗 « daonet e vo ma ene, emezañ ! graet 'nea trizek barrikenn chistr, emezañ, ha n'eus... hag... n'eus... 'dapfont ket, emezañ, d'ar chistr nevez ! » « n'eo ket posupl e oant kat d'evañ kement-se ! » « me a lâr dit eo ! emezañ, n'eus ket nemetañ oc'h evañ ba ar gêr, emezañ, me 'h a da welet anezhañ a-wechoù, ec'h evan ur bannac'h... ur bannac'h, hag unan bennak... a dremen, emezañ, » na pa 'h afe ur varrikenn gant an dremeniri, 'na ket... 'na ket james... eñ 'na lonket anezhe tout ! ya, ah, ya ! tout ! eñ 'na lâret se din, « tout... n'out ket kat da gompren, emezañ ! » tout 'na lonket anezhe, ur varrikenn ar miz war e gont !

[...]

« que mon âme soit damnée, dit-il ! il avait fait treize barriques de cidre, dit-il, et il n'y a... et... il n'y a... ils ne feront pas, dit-il, la jonction avec le cidre nouveau ! » « ce n'est pas possible qu'ils puissent boire tant que ça ! » « je te dis que si ! dit-il, il n'y a que lui qui boit à la maison, dit-il, moi je vais le voir parfois, je bois un coup... un coup, et quelques-uns... passent, dit-il, » même si une barrique était consommée par les gens de passage, il n'avait... il n'avait jamais... il les avait toutes bues ! oui, ah, oui ! toutes ! il m'avait dit, « toutes... tu ne peux pas comprendre, dit-il ! » il les avait toutes bues, une barrique par moi pour sa pomme !

Gant : Jobig ar Veilh, ganet e 1932 e Brelevenez, o chom e Brelevenez, tud bet ganet e Sant-Laorañs / Bear.

Dastumer : Tangi (2025-03-19)
👂 🔗 Ha petra 'na graet nemet lakat ur varrik... ur... ur pezh varrikenn da lakat jistr. 'Na laket teir... teir barrikenn. Met honnezh, vid e oa. Ha 'h ae e-barzh deus an noz hag e dad a voute... ar varrikenn, ar penn... ar penn 'oa ket stouvet, a-harp ar voger. Hag ar boched pa dremenent... ar jistr kwa ! Hag o skeiñ warni, « vid ! vid ! vid ! » a vije lâret, galleg pe brezhoneg. Met nann ! Pa arrie da fouilhañ ! Hag e vije laket ba ar varrikenn, 'oa ket... 'oa ket un artikl fall !

[...]

Et qu'avait-il fait ? Mettre une barriq... une... une grosse barrique à cidre. Il avait mis trois... trois barriques. Met celle-là, elle était vide. Et il rentrait dedans la nuit et son père poussait... la barrique, le bout... le bout qui n'était pas bouché, contre le mur. Et les boches quand ils passaient... le cidre quoi ! Et en tapotant dessus, « vide ! vide ! vide ! » qu'on disait, en français ou en breton. Mais non ! Quand ils arrivaient fouiller ! Et on le mettait dans la barrique, ce n'était... ce n'était pas une mauvaise idée !

Gant : Jobig ar Veilh, ganet e 1932 e Brelevenez, o chom e Brelevenez, tud bet ganet e Sant-Laorañs / Bear.

Dastumer : Tangi (2025-02-04)
👂 🔗 Ha Fañch, al lun beure abred neuze, eñ o prepariñ e... e dumporell, laket ur varrikenn 'ba xxx ( ?), skoilhet anezhi douzh an daou du gant boutelloù plouz ha tout kwa. « Ha dre belec'h 'h in-me douzh amañ, emezañ ? Douzh bourk Pañvrid d'ar mor, emezañ ? Oh ! Kazi... ». Bet e oa ur wech e bord ar mor hag e oa bet e Breheg ha 'na graet : « Oh ! Breheg n'eo ket ken fall, aze zo moaien da dostiñ da... trawalc'h d'ar mor aze. »

[ˈpɑ̃ˑvʁit - ˈbʁeˑe̞k - ˈbʁeˑe̞k]

Et Fañch, un lundi matin de bonne heure, prépara son... son tombereau, mis une barrique dans xxx ( ?), il la cala des deux côtés avec des bottes de paille et tout quoi. « Et par où vais-je aller d'ici, dit-il ? Du bourg de Pañvrid à la mer, dit-il ? Oh ! Presque... ». Il avait été une fois au bord de la mer et il avait été à Breheg et il avait dit : « Oh ! Breheg n'est pas si mal, là on peut approcher de... suffisamment de la mer là. »

Plouha

Frazenn dastumet e-maez Bro-Vear
Gant : Ifig Moriz, ganet e 1935 e Goudelin, o chom e Goudelin, tud bet ganet e ar Merzher / Tregonev.

Dastumer : Tangi (2025-05-22)
👂 🔗 Ha neuze goull gant ar pesketaer : « Pegement a glean dit ? » « Oh... kant lur kwa ! kant lur... evit ur varrikennad dour ». Hag eñ en roud, da vont da bourk Pañvrid hag arriout 'ba ar gêr. Eñ a oa o chom... kostez an Ti Koad. Ha... eñ... o lakat ur c'hog war... war ar varrikenn, ha komañs tennañ... ur voutailhad dour da... da Maivon, ha roet dour da Maivon kwa.

[ˈpɑ̃ˑvʁit - ˌtiˈkwat]

Et il demanda alors au pêcheur : « Combien je te dois ? » « Oh... cent francs quoi ! Cent francs... pour une barrique d'eau ». Et il se mit en route, pour rentrer au bourg de Pañvrid et revenir chez lui. Il habitait... du côté de an Ti Koad. Et... il... mit un robinet... sur la barrique, et il commença à tirer... une bouteille d'eau pour... pour Maryvonne, et il donna de l'eau à Maryvonne quoi.

Pañvrid

Frazenn dastumet e-maez Bro-Vear
Gant : Ifig Moriz, ganet e 1935 e Goudelin, o chom e Goudelin, tud bet ganet e ar Merzher / Tregonev.

Dastumer : Tangi (2025-05-22)
👂 🔗 Ha... an dud a oa bet pres war... war e dour mor kwa, gwerzhet tout e dour mor. Ha tremenet miz Eost. Arri miz Gwengolo aze, e oa krog... eñ o stokañ war e varrikenn. « Oc'hola ! Homañ zo arri izel ! N'eus ket kalz a dour amañ ken, emezañ. Ret e vo din mont d'ar mor da gerc'hat ur bannac'h... ur varrikennad all kwa.

[...]

Et... les gens s'étaient pressés pour... pour avoir de l'eau de mer quoi, il avait vendu toute son eau de mer. Le mois d'août était passé. On était au mois de septembre, il avait commencé... il avait tapoté sa barrique. « Holà ! Celle-ci est basse ! Il n'y a plus beaucoup d'eau ici, dit-il. Il faudra que j'aille à la mer chercher un peu... une autre barrique quoi.

Frazenn dastumet e-maez Bro-Vear
Gant : Ifig Moriz, ganet e 1935 e Goudelin, o chom e Goudelin, tud bet ganet e ar Merzher / Tregonev.

Dastumer : Tangi (2025-05-22)
🔗 Ar varrikenn, berañ a ra.

Varitieu-n vér a ra.

[vaʁicən veʁ a ʁa]

La barrique fuit.

???

Gant : Ifig ar Bihan, ganet e 1915 e Bear, o chom e Bear, marvet e 2012, tud bet ganet e Bear /.

Dastumer : Julien
👂 🔗 « gortoz ! » ha... ma dad-me, 'h ae da gerc'hat eu... deus ar varrikenn, tennañ chistr deus ar varrikenn, gant ur voutailh, da degas d'ar reoù all

[ˈgɔto̞s a - mə ˈdɑːd ˌme - ˌhe də ˈgɛhət ə - dœz vaˈɹicən - ˈtɛnə ˈʒist tœz vaˈɹicən - gɑ̃n ˈvutaj - də ˌdes tə ˌɹeˈwɑl]

« attends ! » et... mon père à moi, allait chercher euh... de la barrique, il tirait du cidre de la barrique, avec une bouteille, pour apporter aux autres

Gant : Simona ar Bilhon, ganet e 1936 e Sant Laorañs, o chom e Bear, tud bet ganet e Bear / Bear.

Dastumer : Tangi
👂 🔗 karzhet e oa ar varrikenn, paotr ! a-benn an noz, met tout an dud a oa... tout an dud a oa mezv, arri e oa tomm ar soubenn gant tout an dud !

[ˈkɑꝛzə wa vaˈɣicən ˌpo̞d be̞n ˈnɔ̃ˑs - mɛ ˈtun ˌdyd wa - ˈtun ˌdyd wa ˈmɛw - ˌɑj wa to̞m ˈzuˑbən gɑ̃n ˈtun ˌdyt]

la barrique avait été vidée, mon gars ! pour la nuit, mais tout le monde était... tout le monde était ivre, tout le monde était saoul !

Gant : Michel Yekel, ganet e 1946 e Benac'h, o chom e Bear, tud bet ganet e Louergad / Gurunuhel.

Dastumer : Tangi
🔗 E-giz-se emañ kont, e-kreiz ar varrikenn emañ an toull-bond.

Gisè man kon-n, krèyz varikeun man toul bon-n.

[gis ɛ mã kõn kʁɛjz va’ʁikən mã tul’bõn]

C'est comme ça, au milieu de la barrique il y a le trou de la bonde.

Petit florigène des proverbes breton, Coop Breizh, Lukian Kergoat, page 107 : E-kreizh ar varikenn emañ an toull-bont. C’est au milieu de la barrique qu’est le trou de la bonde. Inutile d’aller chercher les choses là où elles ne se trouvent pas.

Gant : Ifig ar Bihan, ganet e 1915 e Bear, o chom e Bear, marvet e 2012, tud bet ganet e Bear /.

Dastumer : Julien
🔗 un taol-troad varrikenn

tol twat varityeun

[tol twat vaʁitjən]

une cuite [litt. une coup de pied de barrique]

Gant : Michel Yekel, ganet e 1946 e Benac'h, o chom e Bear, tud bet ganet e Louergad / Gurunuhel.

Dastumer : Julien
🔗 Bezañ ront evel ur varrikenn.

Béan ron-n wèl varityeun.

[beã ʁõn wɛl vaʁitjən]

être gros comme une barrique.

Gant : Ifig ar Bihan, ganet e 1915 e Bear, o chom e Bear, marvet e 2012, tud bet ganet e Bear /.

Dastumer : Julien
🔗 Aet eo da walc'hiñ e varrikenn.

èdè de wal i varit-yeun.

[ɛdɛ də ’walhĩ i va’ʁitjən]

Il est allé laver sa barrique [en cure de sevrage d'alcool.]

DB : Il est allé suivre une cure de désintoxication au Bon Sauveur, ou, comme on dit sur la côte, il est allé faire un stage de voile à Bégard ! Petit dico de la piste en Bretagne Coop Breizh Martial Ménard page 17 : hennezh zo aet da walc’hiñ e varrikenn

Gant : Daniel ar Bihan, ganet e 1950 e Bear, o chom e Bear, tud bet ganet e Bear / Bear.
Bet neus labouret 'ba Penn-ar-Bed, ha desket traoù klevet eno

Dastumer : Julien
🔗 ur c'helc'h varrikenn

hlèc’h varityeun

[hlɛh va'ʁicən]

un cercle de barrique

Gant : paotr, ganet e 1951 e Pabu, o chom e Bear, tud bet ganet e Runan / Sant Laorañs.
O chom en Bear abaoe 'neus 4 bloaz.

Dastumer : Julien
🔗 ar varrikenn

varitieun

[vaʁitjən]

barrique dont la contenance est de 220 L

Gant : paotr, ganet e 1951 e Pabu, o chom e Bear, tud bet ganet e Runan / Sant Laorañs.
O chom en Bear abaoe 'neus 4 bloaz.

Dastumer : Julien
🔗 ar varrikenn

varikeun

[vaʁikən]

barrique

Gant : Ifig ar Bihan, ganet e 1915 e Bear, o chom e Bear, marvet e 2012, tud bet ganet e Bear /.

Dastumer : Julien
🔗 goullonderiñ ar varrikenn

[gul'dɛri va'ricən]

vider la barrique

Gant : Ifig ar Bihan, ganet e 1915 e Bear, o chom e Bear, marvet e 2012, tud bet ganet e Bear /.

Dastumer : Tangi
🔗 karzhañ ar varrikenn

['kɑrzã va'ricən]

vider la barrique

Gant : Ifig ar Bihan, ganet e 1915 e Bear, o chom e Bear, marvet e 2012, tud bet ganet e Bear /.

Dastumer : Tangi

Pajennoù : 1 2